探訪聖誕老人之行

呵呵呵~聖誕節放假真係好令人興奮呀﹗

今年唔單上收到好多禮物，而係今年都送出咗一份特別嘅聖誕禮物 — 「探訪聖誕老人」啦~

年年都只係想身邊人付出俾自己，都係時候去付出俾一班曾為香港付出嘅老人家啦~

Boxing Day 呢一日，我哋一班 Poly People 仝人，就同一班熱心嘅朋友，齊齊到何文田一間老人中心，預備一個聖誕 party 同一班聖誕老人歡渡聖誕啦~

有無留意到照片中有一個小朋友呢？佢就係「奧雲仔」啦~

佢只係得11歲咋~佢知道自己堂哥會今日都做義工，所以佢都一齊參加呀~

真係熱心呀~香港未來有希望啦~

話明係聖誕 party，就緊係有遊戲玩啦~

第一個遊戲就係老人家都好熟識嘅「歡樂咭」啦~大家一齊估大細﹗

呢位就係我哋嘅主持 — 阿堅啦~

張牌已經去到 8 啦，到底下一場係大定細呢？

舉起手嗰啲公公婆婆就係估會再「大」啲啦~到底佢哋有無估中呢？(我都唔記得啦~)

 

玩得咁開心，唔好俾佢停~又到下一個遊戲啦~就係「聖誕大拍賣」﹗

嘩~十萬咁多樣禮物放哂出嚟，有人仲手指指，睇嚟啲禮物真係好吸引咁喎~

 

睇下個婆婆幾開心~佢一定投得心頭好啦~

 

一班聖誕老人玩咗咁耐，我哋一班義工仲有節目預備俾佢哋架~

到咗我哋一班義工大展歌喉嘅時間啦~ 我哋有請一班歌手出場~

大家載歌載舞，現場氣氛即時升溫呀~

雖然我哋都係第一次收到首歌，但大家都唱得好落加呀~讚﹗

活動最後一個部份，就緊係有禮物送出啦~

過去一直都係聖誕老人送禮物，今年就一於反傳統﹗

適逄下年係鼠年，所以我哋特別邀請「聖誕老鼠」﹗Yeah~

佢手上嗰啲就係送俾老人家嘅聖誕禮物啦~

聽講有老人家好鍾意，一次過拎咗3份呢~好成功呀~

 

你睇下，兩位婆婆﹑義工玩得幾開心~

我哋仲有機會同一班老人家傾計，俾大家睇下當時嘅情況啦~

http://hk.youtube.com/watch?v=5u3I-Fa4oqY

 

今次活動真係好有意義呀~有部份義工都係第一次探訪老人中心呢~

相信不單係一班老人家，一班義工都有好大嘅得著啦~

下次再有活動時，同大家再見啦~

Boxing Day~ 探訪聖誕老人

「聖誕老人的信」

「噢~聖誕樹托它歸家，擺喺廳度幾靚架~」

每當聽到呢首歌，就知道聖誕節又到啦~

又係我聖誕老人出動嘅時候啦~

每年到咗呢個時候先同大家見一次面，你哋無理由唔把握呢一個機會呀？

 

Poly People 就真係好有我心啦，安排咗 26/12 Boxing Day嚟探我，你哋如果都想參加嘅話，就睇下以下詳細資料啦~

 

 

Poly People 的話：

其實「聖誕老人」真係需要大家去關心o架~

如果大家有時間的話，就參加呢個咁有意義嘅義工活動，一齊將愛心傳送俾呢班「聖誕老人」啦~

有興趣嘅，可以在此留下姓名﹑電話；

send email 到 wearepolypeople@gmail.com

或者聯絡 Vanessa 93640908

勁過飯

一到十二月，就係大學生o既死亡月…

唔係做 present﹑趕 pape，就係不斷溫書去應付考試…

咁努力為o的咩？未就係為左 GPA 過 3 囉~

每年到o左呢個時候，都係時候食「勁過飯」啦~

咁到底，咩係「勁過飯」呢？

每間大學考試前都有一個傳統，就係要食「勁過飯」，希望o個年 GPA 可以過三﹗

所以，我o地 Poly People 都有「勁過飯」食~

時間：下星期五 7/12，7:30 pm

地點：PolyU 南北小廚

有興趣o既話，可以留言或者send email：wearepolypeople@gmail.com

有咩查詢或者報名，亦可以聯絡 CK 98786505

到時見啦~

理‧想點 HIT 4「一擲千金」

呀~好鬼凍呀~點解天氣可以轉得咁勁架？

都係時候再為衣櫃添新裝啦~

(打開銀包之後…) 咦？點解會咁架~啲錢點解好似少咗好多咁嘅？

唉~只怪自己唔識理財，之前Poly師姐嘅「不一樣的理財」又唔俾我哋男生參加…

無人教自己理財，真係好灰呀…

不過，好在近日 check email 收到 promotion，知道 Poly 男生嚟緊會有「一擲千金」。

一定同「理財」有關啦~

好~今次機會萬萬不能錯過機會，call 埋班 friend 一齊參加。

學下理財，唔駛過一個咁慘嘅寒冬~

如果你都有興趣嘅話，可以喺度言，或者回 email：wearepolypeople@gmail.com

亦可以聯絡 CK 98786505

 

理‧想點 ? HIT 2 !!

「深之愛情工作坊」

踏入深秋的十一月，令你想起甚麼呢？

很多人都會說秋天是「食慾之秋」，因為食物的吸引指數不期然地上升了不少。

亦有說秋天是「讀書之秋」，因為很快就要面對不同的測驗﹑考試，要在這個時候加把勁。

但秋天，亦有被稱為「戀愛之秋」。彷彿秋天就是一個很浪漫的季節，去與最愛的另一半「談天說愛」。

所以，在這樣的一個時候，我們亦舉辦一連三場的「深之愛情工作坊」。

歡迎各位有興趣的男女生參加~

如果有任何查詢，可以聯絡 Vanessa 93640908

Poly 男生「聯校運動場」5人足球活動

 

喂喂喂~

你知唔知 Poly 除左本身學校o既運動場之外，o係九龍塘都仲有個場呢？

呢個就係同City﹑BU夾份起o既「聯校運動場」啦~

係未望落去好正呢？

 

 

 

既然 Poly 有份起，身為 Poly學生就緊係要用下佢啦～

俾得咁貴學費，點都用盡佢o既設施啦～

o黎緊星期六（10/11），我ｏ地將會ｏ係聯校運動場(5人足球場)踢波﹗

如果男同學們有興趣，可以回覆email，或者聯絡CK 98786505查詢。

 

 

各大院校 Frisbee 活動

氣溫驟降，你係未只想留喺被窩中取暖呢？

咁係唔 work o架~呢個時候，更應該要多啲郁動，做多啲運動！

我哋當然有好介紹啦~今次介紹嘅運動，相信有好多人都未玩過，就係「飛碟 Frisbee」啦~

記住，係 Frisbee，唔係 UFO 呀﹗

到底咩係飛碟呢？就係下面嗰隻碟啦~

飛碟係由外國傳來香港嘅玩意，

雖然佢嘅外型，同人哋喺沙灘同狗仔玩嗰啲好似一樣，但其實係唔同o架~

佢嘅重量要比一般沙灘飛碟重，而且仲可以玩「比賽」，就好似下面張圖咁啦~

飛緊嗰隻白色碟，就係 Frisbee 啦~

如果你有興趣嘗試一下呢種新運動，機會o黎啦~

我哋將會於 11/11 下午 3 點，喺 UST 科大草地 進行活動。

到時唔單止有理工學生，亦會有其他院校學生參加。

咁難得嘅機會，你又點可以錯過呢？

如果有興趣，可以致電 Vanessa 93640908 查詢。

Poly People 十月活動回顧

十月剛剛過去，記唔記得自己做過o的咩呢？

係未只係記得做過咩 assignment﹑test 過咩﹑present 過咩題目呢？

過去一個月，我o地 Poly People 就不停地攪活動，你記唔記得咩活動呢？

你自己又有無參加其中活動呢？

一齊睇下我o地o既「十月活動回顧」啦~

特別嗚謝一班勞心勞力的「攪手 」，如果無佢o地，活動真係攪唔成~

Gong Show 表演者：卓茵﹑Bill﹑Prima﹑阿堅

「不一樣的秋天」：晴天公仔﹑Refreshment Team﹑阿瑩﹑阿貞﹑Miranda﹑Prima﹑Sandy

(排名不分先後，如有遺留，多多包涵。)

11 月男女生活動

不經不覺，又到 11 月，時間過得真係快~

Sem. 1 咁就過左一半，mid term 亦差唔多完哂，跟住落嚟會點呢？

唔通咁就過埋我其餘嘅大學生活？

 

緊係唔係啦﹗大學生活要過得精采，當然唔單止得讀書啦~

襯住有時間當然要鬆一鬆，去參加不同活動啦~

我咃 Poly People 繼續舉辦不同活動，務求令到大家有更多機會過一個精采嘅 U Life~

11 月不單繼續有女生嘅《不一樣的秋天》，亦終於有男生活動啦~

 

POLY 男生，終於輪到你哋啦~

男生活動：「理．想點」

 

女生活動：My Cup of Tea

咁難得嘅機會，你又點可以錯過呢？

如果有興趣參加，可以喺度留低姓名﹑聯絡方法。

或者聯絡，CK 98786505 (男生活動) / Vanessa 93640908 (女生活動)

or email to：wearepolypeople@gmail.com

毅行針山

尋日終於完成「上針山，落火炭」o既行程啦~萬歲﹗

針山所位處o既麥理浩第七段路，係今年毅行者o既其中一段。

我有兩位同學今年將會參加毅行，當佢o地知道我會行o既時候，都話會好難行。

仲話頭45分鐘都需要直上樓梯，未去之前，我已經好驚驚啦…

 

到左出發時間，同兩位朋友一路都好輕鬆，慢慢行去入口；沿途仲有好多中小學生o係度跑步tim~

但就o係呢個時候，我眼尾見到一個好面善o既人影，到底佢係邊個？

俾張相大家估下啦~

想知道自己有無估中？睇下下面個答案啦~

 

 

登登登登~無錯啦﹗佢就係小齊—任賢齊啦~

一見係明星，我同兩個朋友即時行快好多，係咁追上去；小齊真係行得好快呀~

估唔到行行下山都可以見到明星呀~睇o黎我o地 Poly People 都幾識揀地點攪活動呀~

小齊好 nice 呀~佢今次係為o左慈善o黎行山，雖然佢無停低同我o地影相，不過都幫個朋友影到張合照，都唔錯呀~

不過呢o的都係花絮，行山先係我o地今次活動o既本意~

 

今次座山真係好難行呀~我又唔係行開山，所以上左大概15鐘度，開始有o的唔舒服，都跟唔到先頭部隊。而兩位朋友：汶心﹑可琪就勁啦~一路行，仲可以面不改容﹗ (佢o地之後好早就到終點呀~) 可能佢o地都適合行毅行者呢~

 

之後見到阿貞o既時候，我就真係頂唔順…最終嘔左一陣呀~

 

好在身邊有阿貞，仲有齊哂中西醫：Chris﹑Ronald，真係好多謝佢o地o既照顧呀~而且仲有William幫我揹背囊，減輕我o既負擔，感動~

仲要特別嗚謝展滇同學﹗雖然佢今次無o黎到，不過好在佢有支行山杖o係肥羊度，幫到我唔少呀~感謝呀~

 

落山時， 大多數人都話「上山容易，落山難」，但我就唔覺啦~落山好好多~ 沿途景色真係好靚呀~影左好多靚相呀~

行完今次，我相信我會繼續行o既，因為真係幾好玩~不過就要多o的練習，先再行一o的難o既山﹗

 

High 爆的日式書籤~

真係要 uphold 一下晴天公仔，果然每次都有好介紹呀~

今晚o既日式書籤真係玩得好開心呀~超級感激兩位老師：阿貞﹑Prima，為我o地一班初學者預備咁多o野。如果無佢o地，我o地真係整唔到o的咁靚o既書籤。

而且大家唔知點解，整書籤o既氣氛都可以咁 high我就同隔籬位朋友「展滇同學」玩左成晚，哈哈~仲俾佢話我整左隻「飛蟑螂」o既書籤出o黎~

不過好在最後補救到，終於有o的和風o既感覺，仲令到張書籤好有動感tim~

Sandy都好勁呀~果然讀過設計，對於設計好有心得。成晚就係整一張書籤，不過真係好得呀﹗

成張書籤好有詩意，仲有一棵櫻花樹，你都唔好話「小o野」呀﹗

而且仲俾到人意見，令到大家o既書籤都好有「遠景」，阿瑩o個張就係最好o既例子。

Oscar亦都充分表現出藝術家o既氣質，勁有feel，非一般人可以想到呀~一睇就知係designer 出品，真係唔同o的~

講左咁多，到底o的書籤有幾靚呢？睇下下面o的相啦~

佢兩個係邊個？就係 Sandy﹑Yenni 啦~
Sandy 張書籤有哂景架~好得﹗Yenni o個張有埋名，叫做「行在水面上」。

 

o拿o拿o拿~終於有作品睇啦~

綠色底o個張就係阿貞老師o既作品~

我o地o的學生用成個鐘先整到一張，佢唔知有無用30分鐘就整完，仲有哂花~好鬼立體呀﹗

最右手邊o個張就係「行在水面上」啦~真係貼題架~初學者有咁o既水平真係不得了﹗

 

以上作品o既主人都只係初學者，由左至右：
泳佳同學，展滇同學，Sandy，Oscar，阿坤
張張唔同，各有特色~

最左面就係差o的變左做「飛蟑螂」o既書籤，而家係未唔似呢？

旁邊o個張就係展滇同學o架~勁有心思去剪花做頭飾呀﹗

Sandy o個張就係中間有櫻花樹那一張，佢話如果有時間仲想整對鞋﹑便當盒俾佢，真係好有心思呀~

Oscar 那一張係最高貴o個張，好有氣勢﹗Designer係唔同o的呀~

阿坤呢一張真係好 colorful，配得好好呀~


今次真係玩得好開心~今次只係學左一款，唔知幾時再學第二款呢？
不過下次再玩，一定要帶剪刀呀﹗咁先可以整多幾張，可以送俾人﹗

如果你錯過今次，唔緊要﹗我o地仲有不同活動，下次一定要參加呀~