11 月男女生活動

不經不覺，又到 11 月，時間過得真係快~

Sem. 1 咁就過左一半，mid term 亦差唔多完哂，跟住落嚟會點呢？

唔通咁就過埋我其餘嘅大學生活？

 

緊係唔係啦﹗大學生活要過得精采，當然唔單止得讀書啦~

襯住有時間當然要鬆一鬆，去參加不同活動啦~

我咃 Poly People 繼續舉辦不同活動，務求令到大家有更多機會過一個精采嘅 U Life~

11 月不單繼續有女生嘅《不一樣的秋天》，亦終於有男生活動啦~

 

POLY 男生，終於輪到你哋啦~

男生活動：「理．想點」

 

女生活動：My Cup of Tea

咁難得嘅機會，你又點可以錯過呢？

如果有興趣參加，可以喺度留低姓名﹑聯絡方法。

或者聯絡，CK 98786505 (男生活動) / Vanessa 93640908 (女生活動)

or email to：wearepolypeople@gmail.com

毅行針山

尋日終於完成「上針山，落火炭」o既行程啦~萬歲﹗

針山所位處o既麥理浩第七段路，係今年毅行者o既其中一段。

我有兩位同學今年將會參加毅行，當佢o地知道我會行o既時候，都話會好難行。

仲話頭45分鐘都需要直上樓梯，未去之前，我已經好驚驚啦…

 

到左出發時間，同兩位朋友一路都好輕鬆，慢慢行去入口；沿途仲有好多中小學生o係度跑步tim~

但就o係呢個時候，我眼尾見到一個好面善o既人影，到底佢係邊個？

俾張相大家估下啦~

想知道自己有無估中？睇下下面個答案啦~

 

 

登登登登~無錯啦﹗佢就係小齊—任賢齊啦~

一見係明星，我同兩個朋友即時行快好多，係咁追上去；小齊真係行得好快呀~

估唔到行行下山都可以見到明星呀~睇o黎我o地 Poly People 都幾識揀地點攪活動呀~

小齊好 nice 呀~佢今次係為o左慈善o黎行山，雖然佢無停低同我o地影相，不過都幫個朋友影到張合照，都唔錯呀~

不過呢o的都係花絮，行山先係我o地今次活動o既本意~

 

今次座山真係好難行呀~我又唔係行開山，所以上左大概15鐘度，開始有o的唔舒服，都跟唔到先頭部隊。而兩位朋友：汶心﹑可琪就勁啦~一路行，仲可以面不改容﹗ (佢o地之後好早就到終點呀~) 可能佢o地都適合行毅行者呢~

 

之後見到阿貞o既時候，我就真係頂唔順…最終嘔左一陣呀~

 

好在身邊有阿貞，仲有齊哂中西醫：Chris﹑Ronald，真係好多謝佢o地o既照顧呀~而且仲有William幫我揹背囊，減輕我o既負擔，感動~

仲要特別嗚謝展滇同學﹗雖然佢今次無o黎到，不過好在佢有支行山杖o係肥羊度，幫到我唔少呀~感謝呀~

 

落山時， 大多數人都話「上山容易，落山難」，但我就唔覺啦~落山好好多~ 沿途景色真係好靚呀~影左好多靚相呀~

行完今次，我相信我會繼續行o既，因為真係幾好玩~不過就要多o的練習，先再行一o的難o既山﹗

 

High 爆的日式書籤~

真係要 uphold 一下晴天公仔，果然每次都有好介紹呀~

今晚o既日式書籤真係玩得好開心呀~超級感激兩位老師：阿貞﹑Prima，為我o地一班初學者預備咁多o野。如果無佢o地，我o地真係整唔到o的咁靚o既書籤。

而且大家唔知點解，整書籤o既氣氛都可以咁 high我就同隔籬位朋友「展滇同學」玩左成晚，哈哈~仲俾佢話我整左隻「飛蟑螂」o既書籤出o黎~

不過好在最後補救到，終於有o的和風o既感覺，仲令到張書籤好有動感tim~

Sandy都好勁呀~果然讀過設計，對於設計好有心得。成晚就係整一張書籤，不過真係好得呀﹗

成張書籤好有詩意，仲有一棵櫻花樹，你都唔好話「小o野」呀﹗

而且仲俾到人意見，令到大家o既書籤都好有「遠景」，阿瑩o個張就係最好o既例子。

Oscar亦都充分表現出藝術家o既氣質，勁有feel，非一般人可以想到呀~一睇就知係designer 出品，真係唔同o的~

講左咁多，到底o的書籤有幾靚呢？睇下下面o的相啦~

佢兩個係邊個？就係 Sandy﹑Yenni 啦~
Sandy 張書籤有哂景架~好得﹗Yenni o個張有埋名，叫做「行在水面上」。

 

o拿o拿o拿~終於有作品睇啦~

綠色底o個張就係阿貞老師o既作品~

我o地o的學生用成個鐘先整到一張，佢唔知有無用30分鐘就整完，仲有哂花~好鬼立體呀﹗

最右手邊o個張就係「行在水面上」啦~真係貼題架~初學者有咁o既水平真係不得了﹗

 

以上作品o既主人都只係初學者，由左至右：
泳佳同學，展滇同學，Sandy，Oscar，阿坤
張張唔同，各有特色~

最左面就係差o的變左做「飛蟑螂」o既書籤，而家係未唔似呢？

旁邊o個張就係展滇同學o架~勁有心思去剪花做頭飾呀﹗

Sandy o個張就係中間有櫻花樹那一張，佢話如果有時間仲想整對鞋﹑便當盒俾佢，真係好有心思呀~

Oscar 那一張係最高貴o個張，好有氣勢﹗Designer係唔同o的呀~

阿坤呢一張真係好 colorful，配得好好呀~


今次真係玩得好開心~今次只係學左一款，唔知幾時再學第二款呢？
不過下次再玩，一定要帶剪刀呀﹗咁先可以整多幾張，可以送俾人﹗

如果你錯過今次，唔緊要﹗我o地仲有不同活動，下次一定要參加呀~

又來了~不一樣的秋天

Poly People 每次攪活動，當然就係講質素啦，所以我每次都有所得著。

繼上個星期的「不一樣的理錢」，我地請來專業 Financial Planner 為我地講解理財之後，都令我開始反思自己的「理財之道」。

確實有很多方面需要改善呀﹗

下個星期我地再黎啦~就係講

做GP PROJECT 點先可以高分啦﹗﹗

想知詳細內容，睇下以下宣傳啦~

 

靚仔靚女站起來 !! 秋天不止是讀書天!!!

靚仔靚女站起來 !! 秋天不止是讀書天!!!

 

嘩嘩 嘩!!!! 忙MID-TERM 忙到傻 有無想過阿 SIR/MISS俾我透下氣 !!!!

今次POLYPEOPLE 繼930 資優人生TALK SHOW SUNDAY 後又一次鉅獻!!!

 

 

可能好多男同學都收到EMAIL 見POLYPEOPLE 的師姐攪左好多活動俾D女同學 !!

所以都心灰意冷!!! 或者見到有<< 不一樣的秋天>> 有EMAIL時 就想DETELE...

其實班師兄唔係唔想攪活動 只係男仔喜歡的活動未必係平日放學做到

所以今次特意攪左一個秋季行山活動 !!! 俾愛戶外同愛大自然的你地參加 !!

女仔都可以參加 GA~秋高氣爽 出身汗 又可以感受下涼風

嘩.................... 正到痺

睇下詳情就知我地去邊啦!!!!!! 快d 參加 來同我們傾下計 行下山啦 !!!!!!!

唔好俾功課 MISS 阿 SIR 玩謝你 !!!!

有興趣可以聯絡 Vanessa 93640908，或者在此留言，留下姓名﹑電話啦~

OHHAYOO~~日式書籤製作

今年秋天特別爽~不時有秋風吹送~好正呀﹗

不過不單是秋風的，我們還有「東瀛風」架﹗

甚麼「東瀛風」？看看以下的宣傳啦﹗

如果有興趣參加，可以找 Vanessa 93640908 查詢或報名。

如果你有其他朋友都想參加，都可以一齊黎架~
越多人越開心ma~

傳福音之夜

秋高氣爽...最適宜就係玩多d....每個姐妹都好想同poly的女同學渡過開心的秋天...

所以大家在今天的晚上...一齊在poly校園裡認識更多女孩子...

希望她們能夠黎到"不一樣的秋天"的活動~

經過一小時的努力...平均每人都認識到1-2個女孩子~awesome!!!

大家都去了南北小廚慶功~awesome的姐妹Yenni and 大貞...

憑著2個電話, 一個e-mail....奪得南北小廚半價的晚餐!!!

紅黑簿大變身﹗

雖然已經去到 mid term，一大堆功課﹑quiz 殺到埋身。

但係吊頸都要抖下氣架~

 

尋晚就好開心可以同一大班女仔o係 Poly 班房參加「Book Book 的新衣」活動啦~

7 點到又未食o野，好肚餓…好在有人預備埋食物，可以o係玩之前醫飽個肚。又可以識下其他 Poly 學生﹑師姐。傾下計，都好 relax 呀~

之後再黎 UNO 大戰﹗嘩~大家出哂真面目呀﹗有朋友連 draw 10幾隻，鋪鋪有佢份，真係唔好彩啦~

 

終於到今晚重頭戲—包簿。到底係咩一回事呀？

就係將一本平平無其o既 account 紅黑簿，包裝成可以o係 log on 或者 city super 賣成$50-60 o既靚簿。

有幾靚？上面o個o的就係製成品啦~

真係好鬼勁呀~仲可以送俾人 tim~掂呀﹗

玩左成晚，可以忘記功課﹑quiz，成個人鬆哂~

下個星期繼續有活動，一定要去參加呀﹗

個個笑容滿臉，就知我o地玩得幾開心啦~

「錢錢錢錢」

"不經不覺又到十月，上學期咁就過左個幾月。

除左時間不斷咁過，感覺自己銀包中的「水」亦係不斷咁流走…

而且仲流得好快…天呀~點算呀~"

呢啲係未你嘅心聲呢？有無覺得需要改變自己的「理財方法」呢？

而家就係一個好時期啦~我哋請來一位有多年經驗嘅理財顧問幫幫大家，詳情可以看看以下的宣傳：

九月活動回顧

各位理工大學學生，

九月剛過去，你還記得自己做過些甚麼嗎？

在過去的一個月，我們Poly People舉辦了不同的活動，以下是這個月的活動回顧。

精彩活動陸續有來~多些參加啦~

全港大專生狂熱派對：玩轉 EMAX 激 Gong Show

開學一個多月，學校生活如何呢？

係未已經識到一班同學，一齊high tea﹑做project呢？

認識左自己學校o既同學，有無興趣去認識其他大學o既學生呢？

o黎緊星期六 (6/10)，o係九龍灣國際展貿中心演講 廳，時間：下午 3 點—5點

將會有一個全港大專生狂熱派對﹗

我o地已經upload花絮—唱山歌，睇下啦~

不一樣的秋天—第三擊《Book Book的新衣》

各位理工大學女同學，我o地又有活動啦~


今次收費只須 $25﹗包材料﹑小食﹗抵呀﹗