Sem. break~
好開心大學有 sem. break 可以放下長假，回下氣。
難得假期就緊係要去玩下啦~
星期日我哋就到咗大埔踩單車
呢張就係出發前嘅合照，希望喺大家未受傷之前，可以有一個好嘅紀念。
點解咁講呢？
因為我哋有人預備了一張concern list，都係一啲令人擔心的人，需要有人額外睇住。
真的很感激阿堅每次都擔當這一個角色，去保護大家~
呢張就係當大家平安到達大美督嘅時候影嘅。
咁呢張又有咩唔同呢？
其實都係同一時間影，但大家就笑得特別燦爛wor~
睇下阿晶仲笑到要掩住個咀呀~
係因為我哋遇到一位被誤會為「自由行」嘅朋友，即時引發咗笑彈，令到大家都唔知點俾反應~所以都係笑啦~哈哈~
雖然最後都有人受傷，但幸好有醫療包，令我哋可以繼續愉快嘅行程。
我哋攪活動，當然要做足萬全準備啦~咁先可以玩得開心又放心嘛~
